Deputetja e Lëvizjes Vetëvendosje, Arbreshë Kryeziu-Hyseni, ka pasur fjalë të rënda për prodhuesit që iu bashkangjitën protestës së PDK’së përgjatë së mërkurës.
Kryeziu-Hyseni me anë të një postimi në ‘Facebook’ i quajti këta prodhues “të keq”, teksa e ndërlidhi pak edhe PDK’në duke thënë se ata e prodhuan “Zajednicën”, Gjykatën Speciale, Demarkacionin dhe Ligjin për Amnisti.
“Prodhues të Zajednicës. Prodhues të Gjykatës Speciale. Prodhues të Demarkacionit. Prodhues të Ligjit për Amnisti. Prodhues të së keqes për vendin. Prodhues të KEQ”, deklaroi ajo.
