Pritja e Vladimir Putinit në Alaska ishte krejtësisht ndryshe nga ajo që mori Presidenti ukrainas, Volodymyr Zelensky kur vizitoi Shtëpinë e Bardhë në fillim të këtij viti, shkruan BBC.
Ndërsa Zelensky u përball me një sulm të ashpër nga Donald Trump, skena e takimit të Putinit ishte një dëshmi e një dinamike tjetër.
Në një moment të veçantë, mund të shihej Putini duke buzëqeshur ndërsa po udhëtonte në automjetin presidencial të Trumpit, “Bisha”.
Ky ishte një simbol i marrëdhënieve të ngrohta dhe një fitore e qartë për Kremlinin, pasi për shumë analistë, thjesht fakti që Putin arriti në këtë samit me Trumpin ishte një fitore diplomatike.
Për Trumpin, ky samit mund të mos ketë rezultuar në ndonjë ndryshim të dukshëm në politikat ndaj Rusisë, por për Putinin, arritja e këtij takimi ishte një sukses i madh duke nisur që me zbritjen nga avioni dhe kaluar nëpër qilimin e kuq drejt “Bishës”.
