Presidenti i Lille OSC, Olivier Létang, ka konfirmuar se Edon Zhegrova pritet të largohet nga klubi këtë verë.
Anësori kosovar, i cili iu bashkua Lille nga Basel në vitin 2022, është në vitin e fundit të kontratës dhe ka shprehur dëshirën për t’u transferuar në një klub më të madh.
Létang në një konferencë për media tha se, duke marrë parasysh situatën ekonomike në futbollin francez, nuk është e përshtatshme të mbahet një lojtar me vetëm një vit kontratë të mbetur që nuk dëshiron të qëndrojë.
Ai gjithashtu shtoi se klubi do të kërkojë të përforcojë krahët me një lojtar tjetër, pavarësisht afrimit të Marius Broholm.
