Pjesëtarë të Njësisë Speciale janë parë sot tek zyret e Komisionit Qendror të Zgjedhjeve, një ditë pas zgjedhjeve parlamentare. Për arsyen e pranisë se tyre atje, janë deklaruar nga Policia.
Zëdhënësi i Policisë, Baki Kelani, i ka thënë Gazetës se ata kanë qenë në përcjellje të ndonjë materiali zgjedhor.
“Nuk ka diçka konkrete, përveç detyrave rutinë në përcjellje të ndonjë materiali”, ka deklaruar Kelani.
Ndryshe, deri tash janë numëruar rreth 98 përqind e votave nga zgjedhjet e djeshme. Si parti e parë renditet Lëvizja Vetëvendosje, pasuar nga PDK’ja, LDK’ja e AAK’ja.
