Në shtëpinë e ish-kryeshefit të ndërmarrjes ‘Prishtina Parking’, Liridon Restelicës, Policia e Kosovës ka gjetur dhe konfiskuar: një pistoletë ‘Sig Sauer P320’, tre karikatorë dhe 46 fishekë.
Lidhur me këtë, të njëjtit i është marrë deklarata nga personat përgjegjës.
Pas konsultimeve shtesë me prokurorin, rasti është iniciuar si ‘Mbajtje në pronësi, kontroll ose posedim të paautorizuar të armëve’.
Ngjarja lidhet me një asistencë policore të kërkuar më 7 maj 2026, rreth orës 10:10, në lagjen NIC në Çagllavicë.
