Një person ka humbur jetën si pasojë e vetëvrasjes në dalje të autostradës nga Prishtina, në zonën e Veternikut.
Lidhur me rastin, Policia e Kosovës ka konfirmuar për Gazetën se rreth orës 15:00 ka pranuar informatën se një person pa shenja jete është gjetur brenda një automjeti në këtë zonë.
Në vendin e ngjarjes ka dalë ekipi mjekësor, i cili ka konstatuar vdekjen e viktimës, mashkull.
Policia, në koordinim me Prokurorin e Shtetit, ka nisur hetimet për rastin dhe po vazhdon me ndërmarrjen e të gjitha veprimeve hetimore dhe ekzaminuese, me qëllim të sqarimit të plotë të rrethanave të ngjarjes.
