Tension i lartë është shënuar gjatë seancës së Kuvendit të Kosovës të hënën, pas një përplasjeje mes deputetes së PDK-së, Vlora Çitaku, dhe kryesuesit të seancës, Avni Dehari.
Çitaku akuzoi Deharin se po e shkel Kushtetutën, duke i mohuar asaj të drejtën e fjalës për çështjen e zgjedhjes së anëtarëve të një komisioni parlamentar.
“Sot me vetëdije të plotë, kryesuesi po abuzon dhe po e shkel Kushtetutën. Kjo sjellje është e papranueshme,” deklaroi Çitaku në foltore.
Në reagim, Dehari tha se në rend dite është vetëm një propozim dhe jo debat, duke kërkuar nga sigurimi i Kuvendit që t’ia ndërpresin fjalën deputetes së PDK-së.
