Për të 21-tën herë me radhë, Kuvendi i Kosovës nuk ka arritur të konstituohet, duke vazhduar kështu ngërçin institucional që ka mbërthyer vendin pas zgjedhjeve të fundit.
Seanca e thirrur për ditën e sotme përfundoi pa sukses, pasi nga opozita sërish nuk u pranua votimi i fshehtë për zgjedhjen e kryetarit të Kuvendit, i propozuar nga Lëvizja Vetëvendosje.
Kryesuesi i seancës, Avni Dehari si në rastet e mëparshme, konstatoi mungesën e kuorumit për formimin e komisionit zgjedhor dhe ndërpreu mbledhjen, duke caktuar për të martën përpjekjen e radhës
