Të shtënat me armë zjarri të ndodhura gjatë mbrëmjes së djeshme në Prishtinë, lanë të vdekur një person dhe një tjetër të plagosur. GazetaDemos nga vendi i ngjarjes dje ka raportuar në vazhdimësi për detajet e këtij krimi.
Në njërën prej pamjeve të siguruara, nga kamera e Demosit u kap njëri prej ish-banorëve të Big Brother, Xuxi i cili ndodhej pranë vendit të ngjarjes. E, dikush nga kalimtarët e rastit u dëgjua duke thirrur, “O Xux, a je mirë?”.
Sot gjatë ditës, për të dhënë detaje mbi përfshirjen apo jo të Xuxit në këtë rast, ka folur bashkëshortja e tij, Ardiana.
“Mbrëmë kanë hyrë dy persona të maskuar në lokal. Xuxi ka qenë vetëm kalimtar dhe ka parë ngjarjen. Telefoni i tij ka mbetur në tavolinë. Ai u mor si dëshmitar nga policia mbrëmë”, tha ajo.
