Kryetari i Partisë Demokratike të Kosovës, Memli Krasniqi, ka falënderuar qytetarët që morën pjesë në protestën masive të organizuar nga Shoqatat e dala nga lufta e UÇK-së, për të kundërshtuar padrejtësitë që po bëhen nga Gjykata e Hagës.
Ai publikoi një video ku shihen dhjetëra-mijëra qytetarë në Sheshin Nënë Tereza në Prishtinë.
Po ashtu, Kryetari i Aleancës për Ardhmërinë e Kosovës, Ramush Haradinaj, mori pjesë në protestën e veteranëve, e cila u mbajt në sheshin “Skënderbeu” në Prishtinë.
Pas protestës, Haradinaj publikoi disa fotografi në llogarinë e tij në Facebook, duke thënë: “Kosova kërkon drejtësi! UÇK.”
