Pal Lekaj nga Aleanca për Ardhmërinë e Kosovës, ka thënë se lideri i kësaj partie, Ramush Haradinaj, është figura unifikuese për President.
Lekaj, ka shtuar se, Haradinaj përfaqëson unitet, vendosmëri dhe dinjitet në përfaqësimin e vendit.
‘’Opozita dhe pozita e kanë figurën më unifikuese për President.Ramush Haradinaj është një lider me përvojë shtetformuese, i dëshmuar në kohë sfidash. Ai përfaqëson unitet, vendosmëri dhe dinjitet në përfaqësimin e vendit brenda dhe jashtë’’, ka shkruar ai.
