Presidentja e Kosovës, Vjosa Osmani, po qëndron në një vizitë zyrtare në Shtetet e Bashkuara të Amerikës, ku ka takuar kongresistin Ritchie Torres.
Në një postim në Facebook, Osmani ka theksuar kënaqësinë e saj për takimin me Toren, duke e vlerësuar atë për përkushtimin e tij të palëkundur ndaj Kosovës dhe për kontributin e vazhdueshëm në forcimin e partneritetit strategjik mes Kosovës dhe Shteteve të Bashkuara.
“Mirënjohës për përkushtimin e tij të palëkundur në mbështetje të Republikës së Kosovës dhe për kontributin e vazhdueshëm në forcimin e partneritetit tonë strategjik me Shtetet e Bashkuara të Amerikës”, ka shkruar presidentja Osmani.
Gjatë qëndrimit të saj në SHBA, presidentja Osmani ka zhvilluar disa takime të rëndësishme.
