Presidentja e Kosovës ,Vjosa Osmani, e ka takuar presidentin e Kenias, William Ruto, shteti i cili njohu pavarësinë e Kosovës më 26 mars të këtij viti.
Osmani përmes një postimi në X, ka shkruar se me Ruton, ka diskutuar hapat e ardhshëm në forcimin e marrëdhënieve dypalëshe.
“Gjithmonë kënaqësi të takoj mikun e madh të Kosovës, Presidentin William Ruto, dhe të diskutoj hapat e ardhshëm në forcimin e marrëdhënieve tona dypalëshe, duke i afruar edhe më shumë popujt e Kosovës dhe Kenias”, theksoi ajo.
Osmani mori pjesë në varrimin e Papa Françeskut, që u zhvillua dje në Romë.
