Presidentja e Kosovës, Vjosa Osmani, ka mirëpritur sot në një takim zyrtar Zëvendës Ndihmës Sekretarin e Mbrojtjes së SHBA-ve, David A. Baker.
“Kënaqësi ta mirëpres sot Zv. Ndihmës Sekretarin e Mbrojtjes së SHBA-ve, David A. Baker. Kur Amerika qëndron përkrah nesh, Kosova është më e fortë, më e sigurt dhe më e zhvilluar,” ka deklaruar Osmani pas takimit.
Ajo ka theksuar përkushtimin e institucioneve të Kosovës për thellimin e bashkëpunimit me Shtetet e Bashkuara të Amerikës në fushën e mbrojtjes, përfshirë edhe industrinë e mbrojtjes, të cilën e konsideron si një mundësi me përfitime të ndërsjella për të dyja shtetet.
