Presidentja e Kosovës, Vjosa Osmani, sot ka festuar ditëlindjen e saj të 43-të në një atmosferë të ngrohtë familjare.
Ajo ka marrë shumë urime nga qytetarë dhe figura publike, ndërsa një ndër më të veçantët ishte ai i bashkëshortit të saj, Prindon Sadriu.
Sadriu e falënderoi Osmanin për rolin e saj si nënë dhe bashkëshorte, por edhe si një grua e fortë dhe e guximshme që, sipas tij, ka frymëzuar shumë gra dhe vajza në mbarë botën.
Presidentja ndau një fotografi në Facebook, ku shihet duke festuar ditëlindjen me Sadriun dhe dy vajzat e tyre, dhe shprehu falënderim për të gjithë ata që e kanë uruar në këtë ditë të veçantë.
