Presidentja Vjosa Osmani, në përfundim të samitit BE-Ballkani Perëndimor, ka dhënë një lajm të mirë për vendin.
Ajo tha se në fund të janarit do të hiqen masat e fundit ndëshkuese të BE-së ndaj vendit tonë.
“Kemi lajme të shkëlqyeshme për Kosovën. Në fund të samitit mes BE-së dhe Ballkanit Perëndimor, dhe pas diskutimeve intensive me partnerët tanë, u mor vendimi që të gjitha masat t’i hiqen Kosovës, ku një pjesë e madhe hiqen sot, kurse pjesa tjetër në fund të janarit”, tha Osmani në një video-prononcim nga Brukseli.
Ajo tha se këtë ia ka konfirmuar edhe presidentja e Komisionit Evropian, Ursula von der Leyen.
