Këshilli i Sigurimit i OKB-së do të mbajë një takim urgjent me kërkesë të Polonisë për të diskutuar shkeljen e hapësirës ajrore polake këtë javë, ka njoftuar ministria e Jashtme polake të enjten.
Ky njoftim vjen pas një operacioni të paprecedentë ku Bashkimi Evropian dhe Polonia, me mbështetje nga aleatët e NATO-s, rrëzuan të mërkurën disa dronë të dyshuar rusë që shkelën hapësirën ajrore të saj.
“Ne po tërheqim vëmendjen e botës ndaj këtij sulmi të paprecedentë me dronë rusë ndaj një anëtari të OKB-së, BE-së dhe NATO-s”, tha ministri i Jashtëm, Radoslaw Sikorski për radion lokale.
“Kam dalë para Këshillit të Sigurimit të OKB-së në të kaluarën dhe më duket se argumentet tona kanë qenë bindëse”, shtoi ai.
Nga ana tjetër, Moska ka mohuar përgjegjësinë për incidentin. Një diplomat i lartë polak tha se dronët kishin ardhur nga drejtimi i Ukrainës, e cila është pushtuar nga Rusia që nga viti 2022.
Ministria e Mbrojtjes e Rusisë njoftoi se dronët e saj kishin kryer një sulm të madh ndaj objekteve ushtarake në Ukrainën perëndimore dhe se nuk kishte pasur synim që të goditeshin objektiva në Poloni.
