Këshilltari i kryetarit të Prishtinës, Visar Geci, ka përdorur gjuhë të rëndë dhe fyese ndaj gazetares së Kohës, Meridiana Statovci.
I gjithë ky reagim erdhi pasi gazetarja Statovci bëri një postim në Facebook rreth ndalimit të punimeve në sheshin “Xhorxh Bush” nga Inspektorati i Punës
Geci aty i bëri një sulm verbal ndaj gazetares Statovci.
Gjuhën e këshilltarit të Përparim Ramës e dënoi sot edhe Asociacioni i Gazetarëve të Kosovës (AGK).
AGK e ka cilësuar këtë gjuhë si të papranueshme dhe kërkoi nga kryetari Rama që të distancohet publikisht nga deklaratat e këshilltarit të tij.
AGK-ja thekson se sulmet e tilla vështirësojnë punën e gazetareve dhe krijojnë mjedis të pasigurt, veçanërisht kur drejtohen ndaj grave në media, duke u përpjekur të minojnë punën dhe integritetin e tyre profesional.
