U bë një kohë e gjatë që Kejvina Kthella nuk është pjesë e televizionit. Ish-banorja e ‘BBV2″, gjatë një bisede virtuale që ka zhvilluar me ndjekësit e saj në llogarinë personale të Instagram-it, nuk surprizoi me lajmin që dha, duke qenë se ka kohë që nuk është më pjesë e medias, sidomos pas skandalit të lidhjes së saj me një element të botës së krimit.
Sa për kthimin në televizion, duket se Kejvina nuk e ka më ndërmend. Një admirues i është shprehur se “e ka marrë malli për ta parë në televizion”, por modelja e ka bërë të qartë se “nuk i pëlqen më”.
Të lutem se nuk kam kohë të bëj më budallallëqe. Nuk më pëlqen më bota e televizionit, kam kuptuar që nuk është për mua pasi jam shumë e vërtetë edhe shumicën e rasteve keqkuptohem!
Eksperienca e fundit televizive e Kejvinës ishte në Big Brother Vip Albania 2, ku u kthye në një figurë të urryer mediatike për shkak të bullizimit dhe agresivitetit që shfaqi ndaj Luiz Ejllit, të cilit më vonë, pas daljes, i kërkoi ndjesë.
