Gazetari Valon Syla ka reaguar pas deklaratës së kryetarit të Nismës, Fatmir Limaj, i cili shprehu gatishmërinë për të bashkëpunuar me kryeministrin Albin Kurti për të mirën e vendit.
Syla e cilësoi këtë si një përpjekje për të rritur pazarin politik dhe një diskurs që po shkon drejt fundit.
“Është mirë që Fatmir Limaj fillimisht të shohë sa deputetë ka. Mund të ndahet nga Ramushi, por në thelb, ai po rikthen lojën e pazarëve. Është t’u dashtë me rrit pazarin,” tha Syla.
Ai shtoi se kjo qasje politike nuk do të mund të mbijetojë gjatë.
“Me këtë gjuhë dhe këto taktika, kjo është gjenerata e fundit politike që ka me mujt me mbijetu. Nëse vazhdon ky diskurs sekserist e tugjarist, nuk ka pse të dalin në zgjedhjet e ardhshme lokale apo parlamentare,” tha ai.
