Mentor Hyseni, ish-kandidati për deputet nga radhët e Vetëvendosjes dhe aktivist i kahershëm i kësaj partie, është emëruar drejtor në Administratën Tatimore të Kosovës, siç bëri të ditur sot Ministria e Financave.
Në një prej deklaratave të tij, ku ai akuzonte PSD-në për tradhëti, ai deklaronte se ‘shqiptarët ta falin ngapak hajninë dhe nepotizmin’, por jo ‘edhe tradhtinë’.
“Shqiptarët si popull mujnë me ta falë kapak hajninë se përherë e kanë konsideru shtetin të huajin.
Nepotizmin ta arsyetojnë diqysh, se thonë hajt bre se e ka pasë anëtar të familjes, ama tradhtinë nuk ta falë kurrë.
LDK kur është nda, ka pasë ndamje drastike. Nisma sa e vogël që iu ka hjekë PDK-së, PDK më kurrë nuk është rimëkëmbë.
VV është nda me 31 deputetë, tash ka mundësi me i marrë 33 deputetë. Jo që jemi forcu na, por populli nuk ta falë atë”, deklaronte Hyseni
