Tradhtia nuk është kurrë një zgjidhje, veçanërisht kur përfshin një shtatzëni të papritur.
Një grua 35-vjeçare është përballur me një situatë shumë të ndërlikuar emocionale dhe personale, pasi ka zbuluar se është shtatzënë pas një nate të vetme pasioni me shefin e saj 39-vjeçar, i cili është i martuar. Edhe pse ajo është beqare, lidhja me një burrë të martuar e ka futur në një vorbull emocionesh të përziera dhe vendimesh të vështira.
Ajo rrëfen se marrëdhënia e tyre nisi gradualisht në punë, ku pas ngritjeve në detyrë ajo nisi të punonte më afër me të. Fillimisht, flirtet ishin të lehta dhe të padëmshme, por me kalimin e kohës, afërsia e tyre u thellua.
“Gjatë kohës së pushimeve, zyrat ishin pothuajse bosh. Kalova pasditen në zyrën e tij duke biseduar dhe qeshur. Në fund, u puthëm dhe përfunduam duke bërë seks,” shkruan ajo në një postim në Reddit, shkruan “The Mirror”.
Tre javë më vonë, ajo mësoi se ishte shtatzënë. Kur i tregoi shefit për lajmin, ai reagoi pozitivisht, duke thënë se dëshironte fëmijë dhe madje se ishte i gatshëm të linte gruan e tij për të ndërtuar një familje me të. Sipas tij, bashkëshortja nuk dëshironte fëmijë – çka, në sytë e tij, e bënte këtë shtatzëni “ideale”.
Megjithatë, për gruan kjo situatë është shumë më e komplikuar. Ajo ndjen se ai mund të jetë pranë saj jo për dashurinë ndaj saj, por thjesht për faktin se po bëhet baba. “Jam e dashuruar me të. Ai është burri ideal për mua,” shkruan ajo. “Por nuk jam e sigurt nëse ai më do mua – apo fëmijën që po pres. Nuk dua të jem arsyeja që reputacioni i tij të rrënohet.”
Për më tepër, ajo shqetësohet për pasojat morale dhe emocionale të lidhjes së tyre. Komentuesit në Reddit e paralajmëruan për rreziqet e një marrëdhënieje të ndërtuar mbi tradhti. Një koment popullor thotë:
“Mos e bëj. Nëse ai ka tradhtuar gruan e tij një herë, çfarë e ndalon ta bëjë përsëri? Mund të mendosh se je e veçantë, por ndoshta nuk je e vetmja që ai i thotë këto fjalë.”
