Burim Ramadani ka thënë se Kosova me Shqipërinë dhe Kroacinë duhet të ndërtojnë Mbrojtjen e Mençur Ballkanike, e pataj t’i bashkohen edhe Maqedonia e Veriut e më pas Mali i Zi.
Sipas tij, kjo “assesi nuk është zëvendësim i vendosmërisë sonë për anëtarësim në NATO, por veç një aspekt praktik i reagimit të përbashkët. Madje, kjo do të lehtësonte avancimin e idesë për prezencën e përhershme amerikane në Kosovë, për t’u kthyer në mbështetësin kryesor në reagim ndaj krizave”.
Postimi i plotë:
Kosova me Shqipërinë dhe Kroacinë të ndërtojnë Mbrojtjen e Mençur Ballkanike.
Kësaj, më pas t’i bashkohet Maqedonia e Veriut e më pas Mali i Zi. Ndërsa, Bosnja e Hercegovina të jetë pjesë aktive e shkëmbimit.
Ky mund të jetë konceptimi më autentik i Mbrojtjes demokratike të Ballkanit.
Kjo assesi nuk është zëvendësim i vendosmërisë sonë për anëtarësim në NATO, por veç një aspekt praktik i reagimit të përbashkët. Madje, kjo do të lehtësonte avancimin e idesë për prezencën e përhershme amerikane në Kosovë, për t’u kthyer në mbështetësin kryesor në reagim ndaj krizave.
Mbrojtja e Mençur është koncept i avancuar i bashkëpunimit midis shteteve në shkëmbimin në kojë reale të kapaciteteve të mbrojtjes.
Shumë punë për Mbrojtjen e Mençur duhet.
#Kosova #SHBA #NATO #SmartDefence
