Një vajzë adoleshente ka vdekur pasi është sulmuar nga një peshkaqen në Queensland të Australisë.
Ky “incident serioz i kafshimit nga peshkaqeni” ndodhi në plazhin Woorim, në veri të qytetit Brisbane, rreth orës 16 e 45 minuta sipas kohës lokale të hënën.
Policia konfirmoi se vajza kishte pësuar lëndime që ia rrezikonin jetën dhe ajo vdiq pak pas orës 17:00.
Mediat australiane raportuan se ajo ishte 17 vjeçe.
Policia konfirmoi se vajza kishte qenë duke notuar në ujërat afër ishullit Bribie, kur u sulmua nga peshkaqeni, lloji i të cilit nuk është identifikuar.
Ajo u kafshua në krah rreth 100 metra larg bregut, thuhet në raportimet e mediave australiane.
