Një plagosje ka ndodhur sot në fshatin Kijevë të Malishevës.
Një i mitur është qëlluar me armë zjarri, nga një i mitur tjetër. I lënduari mësohet se është 16-vjeçari, E.Morina, nxënës i shkollës së mesme.
Rastin e ka konfirmuar Sheremet Elezaj, zëdhënësi i policisë për rajonin e Gjakovës.
Elezaj tha se ngjarja ka ndodhur pas një mosmarrëveshje me dy të mitur të tjerë, të cilët janë arrestuar në cilësinë e të dyshuarve.
“Rreth orës 15:45, në fshatin Kijevë të Malishevës, një i mitur është plagosur me armë zjarri pas një mosmarrëveshjeje me dy të mitur të tjerë. Viktima është dërguar për trajtim mjekësor, gjendja e tij shëndetësore është stabile dhe jashtë rrezikut për jetë”.
