Nga dita e hënë do të nisë zyrtarisht procesi i regjistrimit të deputetëve të zgjedhur të Kuvendit të Kosovës, si pjesë e procedurave për formimin e legjislaturës së re.
Regjistrimi do të zhvillohet përgjatë tri ditëve, gjatë të cilave të gjithë 120 deputetët do të kryejnë procedurat administrative të nevojshme për marrjen e mandatit parlamentar.
Ky hap i paraprin seancës konstituive të Kuvendit, ku deputetët do të bëjnë betimin dhe më pas pritet të nisin procedurat për zgjedhjen e kryetarit, nënkryetarëve dhe organeve të tjera drejtuese të institucionit.
Procesi i regjistrimit konsiderohet faza e fundit administrative para nisjes së punës së legjislaturës së re.
