Një zhvillim i papritur politik ka ndodhur në komunën e Junikut.
Nënkryetari i Komunës, Besart Tofaj, i cili në zgjedhjet e fundit kandidoi për kryetar nga radhët e Lëvizjes Vetëvendosje, i është bashkuar tashmë Lidhjes Demokratike të Kosovës – Dega në Junik.
Lajmin e ka bërë të ditur kandidati i LDK-së për kryetar të Junikut, Ruzhdi Shehu, përmes një postimi në Facebook.
“Nënkryetari Besart Tofaj ka dëshmuar përkushtim, integritet dhe profesionalizëm të lartë gjatë katër viteve të bashkëqeverisjes. Aderimi i tij në LDK është dëshmi e përputhjes së vlerave dhe vizionit tonë për një Junik më të zhvilluar dhe më të drejtë”, thuhet në njoftim.
