Bukuroshja nga Brazili, Kamila Rodrigues Cardoso, me origjinë nga Patos de Minas, la botën e modës për t’u bërë murgeshë në moshën 18 vjeç. Tani ajo njihet si “Motra Eva” dhe rasti i saj ka ngjallur kuriozitet dhe vëmendje nga e gjithë bota, duke u bërë viral në rrjetet sociale.
Kamila Rodrigues nuk e mori këtë vendim rastësisht, por kur jeta e saj ndryshoi plotësisht, pasi humbi të atin në moshën nëntëvjeçare. Ajo tregoi se çfarë ndodhi në një intervistë me ‘The Noite’: “Gjatë kohës sime si modele mendova se do ta kisha gjetur profesionin tim, por humbja babait bëri që të vuaja nga depresioni dhe ankthi. Fillova të mendoja se të qenit modele nuk ma mbushte më zemrën”.
Pavarësisht kësaj, ajo më parë fitoi konkursin e bukurisë Miss Rising Sun Teen Continent, gjë që e çoi në pjesëmarrjen në Miss Brazil dhe më pas në Miss Universe, por kjo nuk e ndryshoi idenë e saj të përmendur më parë, pasi ajo zgjodhi botën e fesë.
“Pikërisht atëherë kërkova kishën dhe fillova të lutesha. Një ditë, gjatë predikimit, pashë një murgeshë të kalonte dhe pashë tek ajo një dritë shumë të fortë. Fillova të admiroja rrobat e saj, të studioja jetën e një murgeshe dhe të shihja veten të veshur”, shpjegoi ajo.
Pastaj ajo hyri në një manastir dhe zgjodhi të ndryshonte emrin e saj në Eva, diçka që ajo e sqaroi gjithashtu: “Një zgjedhje simbolike për të qenë gruaja e parë në historitë e Biblës”.
Sot, ajo është 21 vjeç dhe është pjesë e Kongregacionit të Santa Dei Genitrix, një institucion i pavarur nga Kisha Apostolike Katolike Romake në Brazil. Gjithsesi ajo spikat për bukurinë e saj kur u publikua një video në të cilën shfaqej duke shitur sende fetare.
Përtej kësaj, ajo mban gjithashtu një profil diskret rreth jetës personale, megjithëse përdor edhe rrjetet sociale për të ndarë punën shpirtërore dhe aktivitetet komunitare.
