Presidenca e Republikës së Kosovës ka përdorur një nga “chatbotët” e inteligjencës artificiale për shkrimin e komunikatës lidhur me gradimin e tre gjeneralëve të rinj të Ushtrisë së Kosovës.
Në njoftimin e publikuar në rrjetet sociale, në fund të tekstit ishte lënë edhe një fjali që zakonisht përdoret nga programet e inteligjencës artificiale gjatë komunikimit me përdoruesit:
“Nëse dëshiron, mund ta bëj edhe pak më institucional dhe më të rrjedhshëm, pa ndryshuar përmbajtjen”.
Fjalia ka qëndruar për disa minuta në postimin e publikuar në Facebook, ndërsa më pas njoftimi është edituar dhe pjesa në fjalë është hequr.
