Një incident interesant ka ndodhur në ndeshjen e vaterpolos në kuadër të Kampionatit Botëror U-20.
Ky incident ndodhi në kryeqytetin kroat.
“Kampionati Botëror i vaterpolos për U-20 po mbahet në Zagreb, dhe spektatorët pranë pishinës u tronditën nga skenat që panë në ndeshjen midis Italisë dhe Serbisë.
Gjatë ndeshjes, e cila ishte me tensione, gjyqtarët treguan deri në njëmbëdhjetë kartona të kuq, dhe gjashtë lojtarë u përjashtuan me të drejtë zëvendësimi.
Megjithatë, kjo nuk ishte e vetmja ngjarje.
Për çfarë bëhet fjalë?
Një nga lojtarët serb të vaterpolos e kapi lojtarin italian Rubini nga testikujt, dhe nëna e tij e pa të gjithën nga tribunat dhe u çmend nga reagimi serb.
Ajo e mori një shishe me ujë dhe e hodhi drejt stolit serb.
Pas këtij reagimi, të rinjtë serbë u drejtuan drejt tribunave dhe gruaja italiane u mbrojt nga lojtarët italianë të vaterpolos”, shkruan media kroate “Veçernj List”.
Media tjetër kroate “Sportske Novosti” ka shkruar: “Një nga lojtaret serbë e kapi portierin italian Rubini nga testikujt.
Kur e pa këtë, znj. Rubini u tërbua dhe hodhi një shishe plastike me ujë drejt stolit të ekipit serb.
Pastaj disa nga lojtarët serb shkuan në tribuna dhe italianët u ngritën për të mbrojtur nënën e portierit të tyre”.
