Autoritetet greke duket se kanë zbardhur krimin makabër që tronditi Greqinë në 48 orët e fundit, ku një fëmijë i mitur u gjet i mbytur në det, ndërsa vogëlushja u la atje nga nëna e saj.
Fëmija u gjet në plazhin Eden në Paleo Faliro. Fëmija u braktis nga nëna me pretendimin se vogëlushja ishte pa ndjenja dhe nuk mund ta ndihmonte më ose ta çonte në spital.
Gruaja rrëfeu versionin e saj para autoriteteve. Gruaja pretendoi se fëmija i saj, që ishte e sëmurë, pati një episod të të fikëtit, ra në banjo duke u goditur në kokë, duke bërë që të humbiste ndjenjat.
Ajo thotë se ishte e frikësuar sepse nuk kishte dokumente të ligjshme qëndrimi në vend, dhe kështu e çoi fëmijën në plazh me karrocë fëmijësh, me qëllim që ta braktiste atje.
Duke qarë, ajo i tha Rojës Bregdetare se nuk e kishte çuar fëmijën në spital sepse ndodhej ilegalisht në Greqi dhe kishte frikë se mos arrestohej.
Pyetjeve të vazhdueshme se “pse e latë fëmijën në det”, ajo fillimisht u përgjigj se besonte se fëmija ishte tashmë e vdekur dhe e braktisi në plazh.
Por më pas ajo tha se hyri në det me të dhe në një moment hyri në ujë të thellë për ta larë dhe aty “fëmija nuk mundi të qëndronte dhe ndoshta u mbyt”.
Autoritetet tani po shqyrtojnë mundësinë që fëmija të ketë qenë me të vërtetë në koma, siç shihet në pamjet e kamerave të sigurisë, dhe më pas të ketë vdekur nga mbytja. Domethënë, ajo u fut në det ndërsa ishte në gjendje gjysmë të vetëdijshme dhe u mbyt menjëherë pas kësaj. Roli i saktë i nënës në mbytjen fëmijës mbetet për t’u sqaruar.
Mjeku ligjor gjeti goditje të shumta në trupin e fëmijës, një mavijosje në ballë dhe mavijosje në fytyrë, si dhe lëndime të dukshme në pjesë të ndryshme të trupit.
Gruaja u arrestua këtë mëngjes, ndërsa autoritetet e kërkonin që nga dje si të dyshuar në rastin e vajzës së vogël që u gjet e vdekur në plazhin Eden në Paleo Faliro.
Kjo grua, e cila rezultoi të ishte nëna e fëmijës, u filmua me një karrocë fëmijësh dhe dy fëmijë në zonën e Paleo Faliros.
Ajo është me origjinë algjeriane dhe nuk flet greqisht. Oficerët në Gada kërkuan një përkthyes për të marrë deklaratën e saj fillestare.
