Deputetja e Kuvendit të Kosovës, Ariana Musliu-Shoshi, ka ndarë me ndjekësit e saj një mesazh prekës në ditën kur i dha lamtumirën e fundit dajës së saj.
Ajo ka shprehur dhimbjen e madhe për humbjen, duke treguar se për shkak të një ndërhyrjeje kirurgjike nuk ka mundur të marrë pjesë në ceremoninë mortore.
“Në pamundësi për t’a dhënë lamtumirën e fundit, kjo ditë u bë edhe më e vështirë për mua për shkak të intervenimit kirurgjik që pata para pak ditësh. Megjithatë, veprat e tua dhe mesazhet e shumta nga miqtë dhe dashamirët e bënë këtë ditë më të lehtë. Faleminderit nga zemra. Të qoftë i lehtë dheu dhe qofsh banor i parajsës! Jam krenare për jetën dhe veprën tënde!”, ka shkruar ajo.
