Ndryshon pozitë Suad Murati në Policinë e Kosovës, a është emëruar në krye të Krimit të Organizuar? Flet Policia

Gazeta ka raportuar dje se togeri Suad Murati ka ndryshuar pozitën brenda Policisë së Kosovës, pasi vetë ai e kishte konfirmuar këtë lëvizje, pa dhënë detaje se cilin sektor do ta udhëheqë.


Lidhur me këtë çështje, Gazeta ka kontaktuar Policinë e Kosovës, nga e cila ka marrë një përgjigje lidhur me sistemimin dhe caktimin e zyrtarëve policorë në pozita të ndryshme.

Në përgjigjen e saj, PK-ja ka bërë të ditur se këto ndryshime bëhen në bazë të udhëzimeve administrative, procedurave ligjore, nevojave për plotësimin e strukturës organizative dhe planifikimeve të personelit.

“Policia e Kosovës (PK), bazuar në udhëzimet administrative dhe procedurat e parapara ligjore, si dhe bazuar në nevojat e plotësimit të strukturës organizative dhe planifikimeve të personelit policor, bën sistemimin/caktimin e zyrtarëve policorë në detyra/pozita të caktuara”, thuhet në përgjigjen e Policisë.


Tutje, PK-ja thekson se është organizatë dinamike dhe se vazhdimisht bën caktime e emërime të personelit në pozita të ndryshme, varësisht nga nevojat operacionale dhe riorganizimi i brendshëm.

Megjithatë, në përgjigjen e saj, Policia nuk ka dhënë sqarime konkrete nëse Murati është caktuar në krye të Njësisë për Hetimin e Krimit të Organizuar, siç është raportuar në media.

Ndryshe, gjatë dy vjetëve të fundit, Suad Murati kishte qenë udhëheqës i Sektorit Rajonal të Hetimeve në Policinë e Gjilanit.

/GazetaKosova/

- MARKETING - Ariani Companyspot_imgspot_img
- MARKETING - Ariani Companyspot_imgspot_img
- MARKETING - spot_imgspot_img

Te Veqanta

Social Media

- MARKETING -spot_img
- MARKETING -spot_img
- MARKETING -spot_img
- MARKETING - Vipa Chipsspot_img
- MARKETING - spot_img

Lajmet e Fundit