Unë dhe e dashura ime jemi bashkë që nga mosha 18 vjeç, dhe tani jemi 26. Të dy gjetëm punë pas universitetit dhe u shpërngulëm bashkë kur ishim 21. Prindërit na dhanë para për kaparin e një shtëpie, ndaj blemë një apartament të vogël.
Për disa vite gjithçka shkoi mirë dhe isha i lumtur, por kam kuptuar që nuk dua më të jem në këtë lidhje.
E dua ende dhe është shoqja ime më e mirë, por nuk jam më i dashuruar me të dhe tërheqja fizike ka humbur.
Gjatë 18 muajve të fundit, kam nisur qëllimisht grindje, vetëm që të largohem e të qëndroj tek një shok për disa net.
E di që kjo është e papjekur, por nuk kam gjetur forcën të përballem me bisedën e madhe për ndarjen.
U lidhëm shumë të rinj dhe mendoja se doja marrëdhënien dhe apartamentin, por tani dua të bëj më shumë me jetën time para se të vendosem përfundimisht dhe të marr përgjegjësi të mëdha.
Dua të udhëtoj, ndërsa e dashura ime flet vetëm për dasma apo fëmijë.
E di që ndarja do të na thyejë zemrat të dyve, por prapë e di që është gjëja e duhur për mua – dhe ndoshta edhe për të. Nuk mund ta luftoj më ndjesinë e të qenit i ngujuar.
