Një ngjarje e rëndë është shënuar mbrëmë në Prishtinë, ku pas dy javësh luftë për jetën ka ndërruar jetë punëtori i ndërtimtarisë Isa Musli Ramadani rreth 54-vjeçar nga fshati Davidovc i Shtimes.
Më 03 tetor 2025, Ramadani ishte rrëzuar nga një lartësi prej rreth 2 metrash, teksa po punonte në kompaninë ndërtimore “Kadolli” në Shtime, duke pësuar lëndime të rënda trupore. Ai ishte dërguar menjëherë në QKUK, ku për dy javë u trajtua në repartin intensiv, por mbrëmë, rreth orës 23:20, nuk arriti t’i mbijetojë plagëve të marra.
Pas konstatimit të vdekjes, është njoftuar prokurori kujdestar, i cili ka urdhëruar që trupi i pajetë të dërgohet në Institutin e Mjekësisë Ligjore (IML) për autopsi, në mënyrë që të përcaktohen shkaqet e sakta të vdekjes.
Hetimet po vazhdojnë për të sqaruar të gjitha rrethanat e rastit tragjik.
