Misioni i NATO-s në Kosovë, KFOR, ka uruar Shqipërinë me rastin e Ditës së Pavarësisë, duke theksuar rolin e rëndësishëm që ky shtet luan si aleat brenda Aleancës.
Në një postim në Facebook, KFOR-i ka shkruar gëzuar ditën kombëtare të aleatëve tanë shqiptarë.
“Gëzuar ditën kombëtare të aleatëve tanë shqiptarë. Shqipëria është një nga 33 kombet kontribuese të trupave në misionin e KFOR.”, thuhet në urim.
Sot, Shqipëria feston 113 vjet shtet, duke shënuar një nga momentet më të rëndësishme në historinë e saj. 28 Nëntori i vitit 1912 është një datë e shenjtë për shqiptarët, një ngjarje që nderohet dhe kujtohet me krenari në mbarë botën.
