Deputetët e Kuvendit të Kosovës i kanë vetëm edhe 9 ditë në dispozicion për zgjedhjen e presidentit, ose vendi do të shkoj në zgjedhje të parakohshme, sipas vendimit të Gjykatës Kushetuese.
Por, si e sheh këtë situatë, ish-kryeministri i Kosovës, Isa Mustafa? Ky i fundit thotë se në situatën e krijuar, vendi ka nevojë shumë më tepër të ketë organe të kosoliduara shtetërore.
“Është procesi i Hagës, ballafaqimi me ndryshimet e mëdha gjeopolitike dhe situatën e rëndë ekonomike, të cilat kërkojnë shtet të organizuar dhe politika të qarta. Sa i përket profilit për presodent, atë e ka përcaktuar Kushtetuta; ai /ajo bëhet jopartiak në momentin që zgjedhet, pa e marrë detyrën, ndërkaq konsesual për shumicën bëhet kur i merr votat e nevojshme”, ka thënë Mustafa.
Më tutje, ai ka thënë se është i mendimit se do të ishte politikisht e shëndetshme të arrihet pajtimi që kandidati për president të propozohet nga opozita.
Mustafa thotë se vota është vullnet i lirë dhe përgjegjësi e deputetëve.
