Ministri i Financave, Hekuran Murati, ka reaguar pasi është votuar në lexim të dytë sot Projektligji për Ndarjet Buxhetore për Buxhetin e Kosovës për vitin 2025.
Ai ka thënë se 3.6 miliardë euro do të jenë në dispozicion për mbështetje të punëtorëve, familjeve, bizneseve e sektorëve tjerë strategjikë.
Murati ka falënderuar deputetë që e votuan projektbuxhetin.
Buxheti 2025 u votua me 61 vota për, ku mungoi opozita.
Postimi:
Miratohet edhe në lexim të dytë buxheti për vitin 2025!
Gjithsej 3.6 miliardë euro do të jenë në dispozicion për mbështetje të punëtorëve, familjeve, bizneseve, e sektorëve tjerë strategjikë.
Falenderim i veçantë edhe për deputetët që votuan në këtë seancë maratonike!
