Nisja e edicionit të pestë të reality show-t “Big Brother VIP Kosova” është shoqëruar me një moment të veçantë dhe tejet emocional, kushtuar ish-banorit Laurent Krasniqi, i cili u nda nga jeta më 2 shtator të këtij viti.
Në hapje të spektaklit, produksioni i dedikoi një hapësirë përkujtimore Laurentit, duke rikthyer në vëmendje kujtimin e tij dhe rrugëtimin që kishte lënë pas. Ky moment preku jo vetëm publikun, por edhe miqtë e tij më të afërt, të cilët reaguan menjëherë në rrjetet sociale.
Egzoni ripostoi videon përkujtimore, duke e shoqëruar me fjalët e ndjera: “Lali jem”, ndërsa Fitimi ndau të njëjtën pamje, por reagimin e tij e shprehu përmes një emoji-je me zemër të thyer.
Ndarja e parakohshme nga jeta e Laurent Krasniqit kishte lënë dhimbje te të gjithë ata që e njihnin dhe e kishin përcjellë gjatë rrugëtimit të tij në ekran.
Dedikimi në natën e parë të edicionit të ri ishte një moment që riktheu emocionet dhe kujtimet për të, duke dëshmuar se, edhe pse Laurent nuk është më mes tyre, ai vazhdon të mbetet në kujtesën e miqve, publikut dhe të gjithë atyre që e kanë dashur.
