Kandidati i Aleancës për Ardhmërinë e Kosovës (AAK) për kryetar të Komunës së Junikut, Agron Kuçi, ka përfituar mijëra euro subvencione nga Ministria e Bujqësisë, edhe pse sipërfaqja e tokës për të cilën janë dhënë mjetet nuk është aktualisht e punuar.
Sipas burimeve nga terreni, toka që ishte deklaruar për kultivim të kulturave bujqësore gjendet tashmë e papunuar dhe pa aktivitet bujqësor. Ndërkohë, dokumentet e subvencionit tregojnë se mjetet janë ndarë në kuadër të programeve të rregullta për mbështetje të fermerëve.
Ky rast ngre pikëpyetje për mënyrën e kontrollit të përdorimit të subvencioneve nga Ministria e Bujqësisë dhe për përfituesit që mund të jenë aktivë politikisht në prag të zgjedhjeve lokale.
