Lionel Messi do të vazhdojë karrierën e tij te Inter Miami me një kontratë pa afat të caktuar që e bën të pashembullt në botën e futbollit, raportojnë mediat amerikane.
Sipas mediave amerikane, superylli argjentinas do të luajë për aq kohë sa dëshiron, dhe mund të ndërpresë bashkëpunimin kur të donë. Klubi madje parashikon që pas përfundimit të karrierës, Messi të marrë automatikisht një rol drejtues tek Inter Miami.
Në kontratë përfshihet gjithashtu një klauzolë fleksibile për largim të parakohshëm në 2026 ose 2027, në rast se Messi dëshiron të luajë në ndonjë ligë më të fortë përpara Botërorit 2026. Madje, klubi solli edhe shokun e tij nga kombëtarja argjentinase, Rodrigo De Paul, për ta forcuar skuadrën edhe më tej.
