Kandidatja e PDK-së për Asamblenë Komunale të Prishtinës, Gresa Lahu, ka ndarë momente nga një mëngjes fushate të kaluar me deputeten e njohur të kësaj partie, Ganimete Musliu.
Në një postim në rrjete sociale, Lahu ka shkruar se takimi ka qenë i mbushur me biseda të ngrohta e vizion të qartë për të ardhmen.
“Një mëngjes i zakonshëm fushate, por me shije të veçantë – me miken time të çmuar e të familjes, deputeten Ganimete Musliu. Aromë e fortë kafeje dhe bisedë e ngrohtë me vizion të qartë për të ardhmen. Vazhdojmë fushatën me vizion të palëkundur dhe energji. Koha për Prishtinën, koha për PDK!”, ka shkruar Lahu.
Ajo ka theksuar se fushata e saj vazhdon me energji dhe përkushtim për të sjellë ndryshime pozitive në kryeqytet.
