Pavarësisht se në vitin 2024 Asambleja e Përgjithshme e OKB-së e shpalli 11 korrikun si Ditën e Përkujtimit të Gjenocidit në Srebrenicë, duke e rikonfirmuar natyrën gjenocidale të krimit, disa ende refuzojnë të pranojnë atë që ndodhi dhe vazhdojnë me ngulm të kërkojnë alternativa ndaj së vërtetës.
Sot bëhen 30 vjet nga gjenocidi në Srebrenicë.
Pavarësisht se në vitin 2024 Asambleja e Përgjithshme e OKB-së e shpalli 11 korrikun si Ditën e Përkujtimit të Gjenocidit në Srebrenicë, duke e rikonfirmuar natyrën gjenocidale të krimit, disa ende refuzojnë ta pranojnë atë që ka ndodhur dhe vazhdojnë të kërkojnë alternativa ndaj së vërtetës.
Galeria Potoçari 2025 / Damir Deljo
Tekst që kujton gjenocidin
Media kroate për gjenocidin në Srebrenicë: Bota vetëm e vëzhgonte krimin më të rëndë në Evropë
Për fat të keq, një numër i madh i atyre që mohojnë gjenocidin vjen nga Serbia fqinje. Ajo që është po ashtu dëshpëruese është fakti se shumë media në Serbi shmangin ta quajnë gjenocidin me emrin e vërtetë – duke përdorur terma si “krim”, “konflikt”, “përpjekje për depërtim” – ndërkohë që kriminelët si Ratko Mladić, Radovan Karadžić dhe të tjerët të ngjashëm nuk i quajnë as kriminelë.
“Kampioni” i mohimit të gjenocidit, i shtrembërimit të fakteve me shpjegime absurde dhe fyerje të inteligjencës njerëzore është pa dyshim portali “Informer”.
Që nga mëngjesi i sotëm ata kanë publikuar një sërë artikujsh lidhur me gjenocidin në Srebrenicë, por me fokus krejtësisht “të shtrembëruar”.
Një nga artikujt lidhet me figurën e mentorit të tyre, presidentit të Serbisë Aleksandar Vuçiç, dhe vizitën e tij në Potoçari më 11 korrik 2015, kur u sulmua. Ajo që është edhe më e çuditshme është fakti se sulmin e kanë paraqitur si tentim për vrasje të Vuçiçit.
Pra, sipas Informerit, 10-vjetori i sulmit ndaj Vuçiçit meriton vëmendje, ndërsa 30-vjetori i krimit më monstruoz në Evropë që nga Lufta e Dytë Botërore – jo.
– Qëllimi i mirë i politikanit të parë serb që shkoi për t’u dhënë dorën boshnjakëve, për të nderuar viktimat dhe për të ulur tensionet mes dy palëve, u sulmua brutalisht në vitin 2015 në Potoçari – shkruhet në tekst.
Brutalisht. U sulmua…
Më tej në tekst, edhe një absurditet tjetër. Ata kanë shpikur se dikush e quan Serbinë “krijesë gjenocidale” dhe serbët “popull gjenocidal”.
– Prej dekadash serbët po luftojnë kundër narrativës se janë popull gjenocidal dhe se Serbia është krijesë gjenocidale. Vuçiç, sikurse edhe opinioni ynë publik, kurrë nuk e kanë mohuar se në Srebrenicë ka ndodhur një krim i tmerrshëm si pasojë e luftës, por kurrë nuk do ta pranojmë përgjegjësinë për diçka që po përpiqen të na e imponojnë si gjenocid – thuhet në tekst.
Portali Kurir.rs prej ditësh po zhvillon një fushatë në të cilën në çdo mënyrë përpiqet të njollosë fjalën “gjenocid” dhe të ofrojë terma alternativë. Përveç kësaj, po bëjnë linçim publik ndaj çdokujt që në hapësirën publike në Serbi e quan krimin e rëndë në Srebrenicë me emrin e tij të vërtetë – gjenocid.
As portali B92 nuk ka bërë ndonjë përjashtim nga kolegët e Informerit dhe Kuririt. Të tria mediat kanë shpërndarë një artikull të portalit Danas me titullin “Patriotja Staša Zajović hyn në tekstet shkollore, ta dini këtë”, duke fyer autorët, median dhe studentët që protestojnë kundër regjimit në Serbi. Artikulli i Danas.rs përcjell deklaratën e “Grave në të Zeza”, të cilat angazhohen për të vërtetën rreth gjenocidit në Srebrenicë. Kjo ishte e mjaftueshme që mediat e regjimit t’i sulmonin brutalisht.
“E turpshme; Bllokuesit përmes ‘Danas’-it thonë: Serbia të pranojë gjenocidin në Srebrenicë! FOTO/VIDEO” – është titulli i artikullit në B92.
Në tekstin “Në këtë ditë”, 11 korriku përshkruhet si dita kur serbët e Bosnjës morën Srebrenicën dhe më pas Žepën.
“Më shumë se 30.000 njerëz, kryesisht gra dhe fëmijë, u zhvendosën në territoret nën kontrollin e qeverisë në Sarajevë. Forcat e serbëve të Bosnjës më pas u akuzuan se kryen krime lufte në atë zonë dhe se janë vrarë rreth 8.000 myslimanë boshnjakë,” thuhet në tekst.
Në kontrast me këto media, ekzistojnë edhe të tilla që i quajnë gjërat me emrin e vërtetë. Ndër to është Danas.rs, i cili i është qasur temës së gjenocidit në Srebrenicë në mënyrë objektive, kritike dhe të arsyeshme.
– Danas: 30 vjet nga gjenocidi në Srebrenicë: “Mohimi i krimit është politikë shtetërore e Republikës Sërpska dhe e Serbisë” – është një nga shumë titujt e Danas.rs mbi këtë temë.
Gjithashtu, portali 021.rs nga Novi Sadi i është qasur kësaj teme në mënyrë objektive dhe të arsyeshme. Në tekstet për gjenocidin në Srebrenicë, nuk janë hezituar ta përdorin fjalën “gjenocid” dhe ta përshkruajnë atë që realisht ndodhi.
Shënim – këto janë vetëm disa nga mediat që kanë shkruar për gjenocidin në Srebrenicë. Ekziston edhe një numër i madh mediash që janë përpjekur të relativizojnë krimet, të “kryqëzojnë” ata që i quajnë gjërat me emrin e tyre të vërtetë, por edhe të atyre që i qasen kësaj teme në mënyrë objektive.
