Jo vetëm Kontinenti i Vjetër është i mahnitur me kombëtaren e Kosovës, me lojën e saj, me fitoren në Lubjanë me rezultat 2:0 ndaj Sllovenisë, në kuadër të Grupit B të kualifikimeve për në Kampionatin Botëror në futboll.
“Kosova mposht Slloveninë! Nevojitet një mrekulli për t’u kualifikuar direkt në Kupën e Botës”, është titulli i mediumit kroat “Index”.
Media kroate shkruan se për të marrë kreun e tabelës, Kosovës i duhet fitorja me 6 gola dallim.
“Lufta për kualifikim në Kupën e Botës 2026 do të zhvillohet në raundin e fundit të Grupit B, në ndeshjen midis Kosovës dhe Zvicrës.
Këto dy ekipe regjistruan fitore të reja gjatë kësaj të shtune, duke i lejuar zviceranëve të ruajnë vendin e parë dhe një avantazh prej tre pikësh ndaj Kosovës.
Kosova duhet të bëjë një mrekulli ndaj Zvicrës për vendin e parë.
Nëse Kosova dëshiron të ulet në krye dhe kështu të kualifikohet direkt në Kupën e Botës, duhet t’i mposhtë zviceranët deri në gjashtë gola në ndeshjen e tyre kokë më kokë të martën.
Këtë të shtunë, Zvicra mposhti Suedinë 4:1 në Gjenevë, ndërsa Kosova ishte më e mirë se Sllovenia 2-0 në Lubjanë”, shkruan më tej.
