Ish-konkurrentja e reality-show-t të famshëm “Love is Blind”, Bardha, ka folur për rrugëtimin e saj në program dhe dramën që përjetoi me ish-partnerin libanez, Jed.
Ajo kujtoi momentet e fundit të historisë së tyre, duke zbuluar se çifti u nda vetëm disa orë para dasmës, pas një sherri të ashpër që ndodhi mes tyre.
Ajo e la atë në altar, duke befasuar të gjithë të pranishmit.
Në intervistë, ajo tregoi gjithashtu një episod të papritur: takimin e saj me ish-të dashurën e Jed në një palestër dhe Jed i kishte kërkuar asaj të hiqte unazën e fejesës.
Pavarësisht ndarjes, Bardha tha se gjatë lidhjes ishte e përkushtuar maksimalisht, duke u kujdesur çdo ditë për Jedin: “Unë gatuaja tri herë në ditë, kujdesesha për të në çdo detaj”, tha ajo në një intervistë.
