Sot, në ambientet e Fakultetit Ekonomik të Universitetit të Prishtinës, deputetja e LDK-së, Marigona Geci ka arritur një sukses të madh akademik duke mbrojtur me sukses temën e doktoraturës me titull:
“Ndikimi i shpenzimeve për hulumtim dhe zhvillim në rritjen ekonomike në vendet e Bashkimit Evropian: Mësimet për Kosovën.”
Kjo temë trajton një fushë me rëndësi të veçantë për zhvillimin ekonomik dhe ofron perspektiva të reja për përmirësimin e politikave publike në vendin tonë, shkruan GazetaKosova.net
Lajmin për këtë arritje e ka ndarë me krenari Nehat Geci, i cili në një postim të tij ka shkruar:
“Urime suksese Marigona në rrugëtimin tënd drejt së ardhmes. Me respekt, axhi N.G.”
Një arritje e tillë është dëshmi e përkushtimit, dijes dhe punës së palodhshme, dhe një shembull frymëzues për të gjithë të rinjtë e Kosovës që ndjekin rrugën e dijes.
Urime të përzemërta Marigona Geci! 👩🎓🇽🇰
