Presidenti i Francës, Emmanuel Macron, ka paralajmëruar sanksione të reja kundër Rusisë në rast se kjo e fundit nuk pranon një armëpushim pa kushte.
Gjatë një interviste për rrjetin televiziv francez TF1, në mbrëmjen e 13 majit, Macron ka bërë të ditur se qëllimi i Francës dhe vendeve të tjera evropiane është të arrihet një armëpushim “në tokë, në ajër dhe në det” për të hapur rrugë diskutimeve për çështjet territoriale dhe garancitë e sigurisë.
Sipas presidentit francez, vendet evropiane janë duke koordinuar masat për sanksione dhe paralajmëroi se këto masa të reja ndaj Rusisë do të vendosen në ditët në vijim, nëse Moska nuk pranon të ndalë luftën pa kushte.
