Presidenti francez Emmanuel Macron ka paralajmëruar se çdo përpjekje për ndryshim regjimi në Iran do të çojë në “kaos” në Lindjen e Mesme. Kështu, Macron i ka dalë kundër Trumpit.
Macron tha se presidenti i SHBA, Donald Trump ka një rol vendimtar në rifillimin e diplomacisë me Teheranin dhe thotë se beson që presidenti amerikan është në favor të një armëpushimi midis Iranit dhe Izraelit.
“Unë besoj se kemi nevojë që Shtetet e Bashkuara të Amerikës t’i rikthejnë të gjithë në tryezën e negociatave”, u shpreh Macron.
Kujtojmë se “CNN”, raportoi se Trump po largohet nga rruga e diplomacisë dhe po shikon seriozisht mundësinë e një ndërhyrjeje direkte ushtarake në rast se Teherani nuk pranon kushte të reja. Ai ka mbledhur Këshillin e Sigurisë Kombëtare dhe pritet marrja e vendimit.
Trump tha gjithashtu se Shtetet e Bashkuara “e dinë saktësisht se ku ndodhet” Khamenei, duke e quajtur një “shënjestër të lehtë”, por thekson se për momentin nuk do të urdhërohet vrasja e tij.
“Ai është i sigurt atje, nuk do ta vrasim… të paktën jo tani”, shkruan Trump.
