Anëtarët e Komisioni për Legjislacion të Kuvendit të Kosovës janë mbledhur për të shqyrtuar amendamentet kushtetuese të propozuara nga presidentja Vjosa Osmani për zgjedhjen e presidentit nga populli.
Shefja e Grupit Parlamentar të LDK-së, Jehona Lushaku-Sadriu, tha se diskutimi për ndryshime që prekin thelbin e sistemit politik të vendit po zhvillohet në një moment të papërshtatshëm.
Lushaku–Sadriu shtoi se amandamentet kanë qenë të përkrahura në thelb prej LDK-së.
“Nuk është mirë në natën e fundit të zgjedhjes së Presidentit me i përdorë këto situata, për me e keqinterpretu misionin tuaj dhe procedimin e amendamenteve. Amandamentet kanë qenë të përkrahura në thelb prej LDK-së dhe qëndrimin do ta japim edhe në seancë, por mënyra se si këto janë proceduar, nuk është mënyra më e mirë e mundshme, që i kontribuon demokracisë së vendit tonë”, tha ajo.
