Raporti mes Don Xhonit dhe Loredanës prej kohësh ka qenë në qendër të vëmendjes në botën e showbiz-it.
Disa javë më parë gjatë një interviste Loredana kërkoi që të mos “merremi me thashetheme”, por megjithatë shprehu vlerësim të madh për reperin.
Më pas, një video e publikuar ku të dy shfaqeshin në të njëjtën makinë u pa si një sinjal i qartë se marrëdhënia e tyre vazhdon të jetë e afërt.
Tani duket se ka dalë në pah edhe një tjetër detaj që ka tërhequr vëmendjen e ndjekësve. Loredana, e cila këto ditë po qëndron në Prishtinë, është parë me një unazë ari – një model jo shumë i zakonshëm për të.
Dhe fansat besojnë se ajo unazë i përket askujt tjetër përveç Don Xhonit, pasi është e ngjashme me atë që reperi është parë duke mbajtur më parë.
